தேவையானப் பொருட்கள்:
தீப்பெட்டி, தீக்குச்சிகள், கம்,சில்லறைக் காசுகள்
செய்முறை:
பார்வையாளர்களைப் பார்த்து,"" இதோ, இந்த தீப்பெட்டியைப் பாருங்கள்'' என்று கூறி, தீப்பெட்டியை திறந்து காட்டுங்கள். அதில் தீக்குச்சிகள் வரிசையாக நிரப்பப்பட்டிக்கும்.அதைப் பார்த்த ஒரு பார்வையாளரைப் பார்த்து,"" இதில் என்ன இருந்தது?'' என்று கேளுங்கள். அதற்கு, அவர்""தீக்குச்சிகள் இருந்தது'' என்று சொல்வார். பின்னர்,""இந்தப் தீப்பெட்டியில் இருக்கும் தீக்குச்சிகளை மாயமாய் மறைய செய்து, இந்த தீப்பெட்டியில் சில்லறை காசுகளை வரவழைக்கிறேன் பாருங்கள்'' என்று சொல்லி விட்டு, தீப்பெட்டியை அப்படியும் இப்படியும் குலுக்கிவிட்டு, திறந்து காட்டுங்கள். அதில் சில்லறை காசுகள் இருக்கும். பார்வையாளர்கள் பார்த்து வியந்து போவார்கள்.
மேஜிக் சீக்ரெட்:
மேஜிக் செய்வதற்கு முன்னதாக, படத்தில் காட்டியுள்ளபடி, தீப்பெட்டியில் உள்ள உள் அட்டை வெளியே எடுத்து, அதன் பின்புறம் பெவிக்கால் தடவிய தீக்குச்சிகளை ஒவ்வொன்றாக வரிசையாக ஒட்டிக்கொள்ளவும். அவை உலர்ந்தப் பின் தீப்பெட்டியில் பழையபடி சொருகிவிடவும். தீப்பெட்டியில் முன்புற காலி இடத்தில் காசுகளை போட்டுகொள்ளவும். அப்படி இப்படி குலுக்கும் போது தீபெட்டியின் அடிப்புறத்தை திறந்து காட்டினால் காசு இருக்கும். மேல் புறத்தை திறந்து காட்டினால் தீக்குச்சிகள் இருக்கும்.
No comments:
Post a Comment